Matapos ilathala ng WADA-accredited laboratory na positibo ang basketball star na si Kiefer Ravena sa tatlong pinagbabawal na substances ng WADA (World Anti-Doping Agency) ay nagpasya si Youth and Sports Committee Vice Chairman Chiqui Roa-Puno ng congressional investigation.
Nakapaloob sa imbestigasyon ang mga batas at regulasyong sumasakop sa bentahan ng dietary supplements na naglalaman ng mga substance na mahigpit na ipinagbabawal ng WADA sa mga sports competition.
Nakasaad sa House Resolution 1915 na kinakailangang bigyan ng sapat na kaalaman ang mga atleta, coaches, team managers at health professionals sa mga batas at ipinagbabawal na substances ng WADA upang maiwasan ang hindi inaasahang pagkonsumo nito.
“WADA’s rules, as well as the agency’s list of banned substances are universally recognized and accepted but not necessarily widely-known. With proper implementation and education, we can effectively prevent our athletes, like Ravena, from unknowingly ingesting prohibited substances which could adversely affect their health and result in their ineligibility to play in their respective sports,” sabi ni Roa-Puno.