Kumpiyansa ang administrasyong Duterte na hindi mangingibabaw ang anumang niluluto o ipinopormang pagpapabagsak sa kasalukuyang gobyerno.
Ayon kay Secretary to the Cabinet Leoncio Evasco Jr., hindi maikakaila na may mangilan-ngilang personalidad na hindi natutuwa sa diskarte ng pamamalakad sa gobyerno ni Pangulong Duterte.
Binigyang-diin ni Evasco sa isang panayam kahapon na kung may mga ganito mang balakin ay mabibigo lamang.
Ito’y sa kadahilanan aniyang nananatiling mataas ang trust rating ni Pangulong Digong.
Sa kabila nito ay hindi naman tinukoy ni Evasco kung saan nanggaling ang impormasyon patungkol sa pinaplanong kudeta para windangin ang pamahalaang Duterte.
Tinutunton naman ng Armed Forces of the Philippines (AFP) kung ano at saan nagmula ang mga umusbong na balitang tangkang kudeta laban sa administrasyong Duterte.
Ayon kay AFP spokesman Brig. Gen. Restituto Padilla, bagaman hindi nila batid kung saan ito nagmula ay hindi naman nila binabalewala ang nasabing mga impormasyon.
Alam na kung saan galing yan e di sa Liberal Party. Hindi sila titigil hanggang hindi matanggal si Duterte katulad sa kanilang ginawa kay dating Pangulo Marcos at Estrada. Kaya mga supporters ni Duterte mag ka-isa para hindi matupad ang kanilang plano.
Hay naku Bernard Dakay ikaw ang unang hahanapin pag nawala si Dodirty…