Pinaliguan ng Philippine girls lawn tennis team, sa pangunguna ni Alexandra Eala, ang Kyrgyzstan 3-0 sa opening kamakalawa ng hapon ng Asia/Oceania Pre-Qualifying ng 27th World Junior Boys and Girls Tennis Team Championships 2017 sa New Delhi.
Pinadapa ni Eala si Vladislava Andrevskaya 6-1, 6-0, sa second singles.
Sinindihan ni Missy Carlos ang kampanya sa 6-2, 6-1 win kay Banat Madalieva.
Nakipagkumplutan pagkaraan si Carlos kay Amanda Gabrielle Zoleta sa doubles sa paghampas ng 6-3, 6-1 win kina Aigerim Akshol at Andrevskaya.
Kinu-coach ni Tom Falcis at suportado ng Philippine Sports Commission, sunod sa landas ng Filipinas ang Iraq sa three-team Group A. Sama-sama sa Group B ang Singapore, Lebanon, Nepal at Jordan.
Ang top teams ng Groups A and B ay maglalabu-labo sa knockout semifinals para madetermina ang champions at magku-qualify sa WJTC Final Qualifying event sa Bangkok, Thailand sa March 20-April 1, kasama ang mga nakapasok ng Australia at New Zealand.