Laro ngayon: (Smart Araneta Coliseum)
6:30 pm – Meralco vs Talk ‘N Text
Lumaklak lahat ang starting five sa pangunguna nina Lewis Alfred Tenorio at Justin Brownlee ng dobleng pigura nang lunurin sa salpukan ng Barangay Ginebra San Miguel ang NorthPort, 120-107, at magmartsa sa 44th Philippine Basketball Association Governors’ Cup 2019-2020 Finals Biyernes ng gabi sa Smart Araneta Coliseum.
Tampok sa series-clinching win ang 22-point lead at ‘di man lang pagpapalamang sa NP para sundan ang Game 2 at 3 wins na 113-88 at 132-105 na nagtakda ng race-to-4 victory finals laban sa mananalo sa isa pang semis pairing ng Talk ‘N Text at Meralco.
May 19 markers at 6 feeds si Tenorio sa pagbalikat sa locals ng BGSM ni coach Earl Timothy Cone, habang tumungga ang 31-year-old Georgia native, 6-foot-7 forward ng 36 points, 19 rebounds at 8 assists para tatluhang sunod ang Batang Pier sa best of five semifinals tapos maunahan muna sa opener nitong Disyembre 14, 124-90.
“I don’t know what to do from this time up to January 8,” ani Cone. “I am sure we will have a Christmas break and think of what we will do.”
Ang iskor:
Ginebra 120 – Brownlee 36, Aguilar 20, Tenorio 19, Pringle 18, Thompson 14, Slaughter 6, Mariano 4, Chan 3, Dillinger 0.
NorthPort 107 - Standhardinger 32, Taha 29, Qualls 25, Anthony 18, Lanete 2, Elorde 1, Cruz 0, King 0, Escoto 0.
Quarters: 32-21, 56-39, 86-75, 120-107. (Lito Oredo)