Aasintahin ng De La Salle ang ­pangalawang sunod na women’s ­title sa siklab ng UAAP ­Season 79 beach volleyball bukas sa Sands SM By The Bay.

Sa rematch ng ­finals ng nakaraang season, mabibinyagan agad ang Lady Spikers pair nina Desiree Cheng at Tin Tiamzon laban kina Bernadeth Pons at Kyla Atienza ng FEU alas-otso ng umaga. Sa alas-dose ng tanghali ay babalik ang Lady ­Spikers para harapin sina ­Diana ­Carlos at Arielle ­Estranero ng UP.

Ipaparada ng UST sina battle-tested Cherry Rondina at new partner Jem Gutierrez, balik si Michelle Morente sa Ateneo katambal si Ria Lo.

Faceoff ang ­Tigresses at Lady Eagles ng 8:30 a.m., sunod ang ­UP-Adamson match ng 9:00 a.m. at ­NU-UE sa 9:30 a.m.

Banggaan ang Lady Eagles at Lady ­Bulldogs ng 12:30 p.m., Lady Tams at Lady Falcons ng 1:00 p.m., Tigresses vs. Lady Warriors ng 1:30 p.m.