Pinangangambahan ang lagim na maaaring maganap anumang oras sa lalawigan ng Sulu makaraang maraming residente ang umalis sa kani-kanilang mga bahay sa kapaligiran ng kampo ng 35th Infantry Battalion sa Sulu province kapanabayan ng pagpapalikas ng militar sa mga mamamahayag sa mas malaking kampo dahil sa anumang oras na pag-atake ng Abu Sayyaf.
Nasa mahigit 7,000 sundalo na ang nasa Sulu ngayon matapos iutos ni Pangulong Rodrigo Duterte sa militar na durugin ang Abu Sayyaf.
Lagpas naman sa 1,000 pamilya ang nagsilikas sa nasabing bayan dahil sa kaguluhan habang abala naman si Gov. Totoh Tan sa kaligtasan ng mga refugees.