Leachon: Kudeta kay Cayetano drama lang

Ipinahayag ni Min­doro Oriental Rep. Salvador ‘Doy’ Leachon na palabas lang ang inilutang ng kampo ni Speaker Alan Peter Cayetano na kudeta laban sa kanyang liderato sa Kamara para manatili sa kapangyarihan at maitago ang mga siningit na pork barrel sa 2020 national budget.

“Ang dating sa akin, it’s a self-created scena­rio… parang smokescreen na lang ‘yong istorya ng alleged coup para tuloy [ang ligaya],” ani Leachon.
Binanggit nito si De­puty Speaker for Finance at Camarines Sur Rep. Luis Raymund ‘LRay’ Villafuerte na siyang ‘nagluto’ ng senaryo hinggil sa palabas na kudeta laban kay Cayetano.

Layon umano nito na manatili ang kampo ni Cayetano sa kapangyarihan at maitago ang mga ginagawang kalokohan ni Villafuerte sa proseso ng budget.
“Para ipagtago mo ang tunay na dahilan na – gusto mo magtagal sa posis­yon para dire-diretso ang enjoyment ng kasamaan,” ani Leachon.

Sinabi pa ni Leachon na tama ang mga inihayag ni Senador Panfilo ‘Ping’ Lacson hinggil sa mga sini­ngit na pork sa 2020 national budget kahit tapos na itong pag-usapan at i­naprubahan na ng bicameral conference committee.

“‘Yon nga ‘yong pinanggagalaiti ni Sen. Lacson eh, it was inserted after the bicam,” ani Leachon hinggil sa P6.293 bilyong infra allocation sa congressional district ni Villafuerte. (JCC)