Hassle ang handog na libreng sakay sa mga kababaihan ngayong Internatio­nal Women’s Day matapos na dalawang beses tumirik ang isang tren ng Metro Railway Transit Line 3 (MRT-3) kung saan nasa 250 pasahero ang pinababa kahapon.

Ayon sa abiso ng MRT-3, isang tren mula sa southbound ng Buendia Station ang nakaranas ng electrical failure bandang alas-12:52 nang tanghali at sa hindi inaasa­hang aberya ay nasa 250 pasahero ng tren ang pinababa upang palitan ang nagkaproblemang tren.

Samantala, nagkaroon din ng technical problem ang nasi­rang tren sa panimulang biyahe nito bandang alas-sais nang umaga sa North Avenue Station kaya hindi muna pinasakay ang mga pasahero.

Pansamantalang itinigil ang operasyon ng MRT-3 dahil sa technical problem na nakita sa Santolan Station kung saan mahabang pila naman ang nakita sa labas ng istasyon ng MRT sa EDSA.

Inabot ng alas-siyete nang umaga ang mahabang pila na karamihan sa mga pasahero ay kababaihan na nag-avail ng libreng sakay.