Nakatutok ang pamunuan ng Department of Information and Communications Technology (DICT) at United Nations Development Program (UNDP) para lagyan ng mahigit 10,000 libreng Wi-Fi hotspot ang bansa bago matapos ang 2020.
Una nang nagkabit ng 69 free Wi-Fi site sa ilang lugar sa Albay, Isabela, Palawan, Lanao del Sur at Davao City.
Ayon kay UNDP Philippine Country Office Resident Representative Titograd Mitra, pinaghahandaan na nila ang mga lugar na pagkakabitan ng mga Wi-Fi site na kailangang malagyan ngayong taon.
Sinabi naman ni DICT Undersecretary Eliseo Rio Jr. na mayroon ng 3,500 Wi-Fi facilities ang aktibo sa ilang bahagi ng bansa sa ilalim ng kanilang Free Wi-Fi for All program at target pa ang dagdag na 3,000 site para magkaroon ng internet access ngayong Hunyo.
Aabot sa higit na 40 megabits ang makukuha at maaari nang ma-enjoy ang libreng internet. (Vick Aquino)