Wagas ang “I love you!” ni Liza Soberano kay Enrique Gil nang tanghalin silang Box Office King & Queen sa 49th Guillermo Mendoza Memorial Scholarship Foundation Box Office Entertainment Awards.
Pinarangalan ang LizQuen nu’ng Linggo sa Resorts World Manila para sa hit movie nila last year na My Ex and Whys na kumita ng P400M worldwide.
Sa post ni Liza sa Instagram na may mahabang caption ay pinasalamatan niya ang Guillermo Mendoza Memorial Scholarship Foundation Inc. at lahat ng may kinalaman sa movie.
“What an honour it is to be called this year’s Box Office King and Queen. Of course none of this could’ve been made possible without Star Cinema, Tita Malou Santos, the help of our director @kaybash1326 who was constantly pushing me to my limits, Inang Olive Lamasan for bringing back the spark in me, @carmiraymundo and @micodelrosario1 for your guidance throughout the post process of the film.
“To our loving fans who spent sleepless nights tweeting, instagramming and putting together block screenings all for us THANK YOU. With or without this recognition we still feel like winners because of the unconditional love you show us.
“Thank you ABS-CBN for believing in me and the LizQuen tandem and for giving us the opportunity to inspire thousands of Filipinos all over the world. To be honest its really us (@enriquegil17 and I) who are inspired by all of you and the happiness we see on all of your faces.
“To my amazing partner @enriquegil17 who is always by my side, you bring out the best in me in ways nobody else can. I love you!!!
“Last but not least to Lord God our saviour for lending us the talent to be able to use our platform to make all of you happy. Sorry this is such a long message, my heart is just over flowing with Happiness and gratitude,” ang sabi ni Liza, na gandara sa kanyang Mark Bumgarner gown.
Si Quen ay isang maiksing “Thank you, Guillermo Awards. I’m forever grateful,” lang ang sinabi sa kanyang IG post, ni walang mention sa kanyang ka-loveteam.
Ang JoshLia tandem nina Joshua Garcia at Julia Barretto ang tinanghal na Most Popular Loveteam of Movies & Television.
Breakthrough Movie Loveteam of the Year naman sina Empoy Marquez at Alessandra de Rossi ng blockbuster hit na Kita Kita.
Nanalo ring Breakthrough Movie Actor of the Year si Empoy kahit matagal na siyang artista at ang dami na niyang nagawang pelikula.
Daniel at Pia ‘di sinipot ang Guillermo
Kabogera ang outfit ni Vice Ganda, na muli na namang tinanghal bilang Phenomenal Box Office Star. 7th in a row na raw ito ni Vice.
Ka-share ni Vice sa nasabing award ang co-stars niya sa The Revenger Squad na sina Daniel Padilla at Pia Wurtzbach, na parehong wala sa awards night.
P571M ang kinita worldwide ng Gandarrapiddo nina Vice, Daniel at Pia, ayon sa Wiki.
Tie sa Film Actor of the Year award sina Aga Muhlach at Dingdong Dantes. Tinawag ng dalawa sa stage ang Seven Sundays co-star nilang si Enrique nang tanggapin nila ang kanilang trophies.
Tumanggap din si Aga ang Lifetime Achievement Award that night kaya merong tribute number for him. Si Claudine Barretto ang nag-present ng nasabing award kay Aga.
Ang gandarang misis ni Dong na si Marian Rivera ay wagi bilang Female TV Host of the Year.
Alden at Ganda nagyakapan
Ang lakas ng hiyawan ng mga fan sa venue nang manalo si Alden Richards bilang Male Recording Artist of the Year.
Sabi ni Alden sa kanyang speech, para pa rin siyang nananaginip ‘pag nakakatanggap siya ng award na ganito dahil hindi niya raw akalain na kaya niya palang kumanta at gumawa ng album
Nagpasalamat siya sa GMA Records at sa mga fan na sabi niya ay dahilan kaya naging Diamond ang kanyang album. Hindi niya rin nakalimutang banggitin ang nanay niyang ‘nasa taas’.
Ang ganda nu’ng eksena na katabi ni Alden ang mag-asawang Aga at Charlene Gonzalez, tapos sa kanilang side naman niya ay ang LizQuen. Nagbeso sila ni Liza at nagbatian din sila ni Quen.
Ang lakas ng tilian nu’ng pumunta si Vice Ganda sa front row, tapos ay lumapit si Alden at nagyakapan sila ni Vice.
Wagi ‘yung groufie ni Dingdong na magkakasama sa frame ang DongYan with Claudine, Aga, Charlene at Alden.