Lona namerwisyo sa biyahe ng MRT3

Muling naantala ang biyahe ng Metro Rail Transit 3 (MRT3) dahil sa nakitang piraso ng lona na nakasabit sa Overhead Catenary System o kable ng tren sa pagitan ng Boni at Shaw Boulevard station.

Batay sa advisory ng MRT3, pansa­mantalang hininto ang operasyon ng tren ala-1:57 Huwebes nang hapon para masiguro ang kaligtasan ng mga pasahero.
Pinaalala rin ng pamunuan­ ng tren sa publiko na huwag magtapon ng basura sa paligid ng mga istasyon para hindi maantala ang biyahe.

Nagbalik sa normal ang operasyon ng tren alas-2:21 nang hapon.