CLEVELAND (AP) — Umiskor si Kevin Love ng 40 points kabilang ang NBA-record na 34 sa first quarter, inilista ni LeBron James ang kanyang 44th career triple-double, at hinagupit ng Cleveland Cavaliers ang Portland Trail Blazers, 137-125, Miyerkules ng gabi.
Naghulma rin ang Cleveland ng franchise record na 20 3-pointers.
Kinapos ng three points si Love para pantayan ang league record ng most points sa isang quarter na pag-aari ni Golden State sniper Klay Thompson na naka-37 sa third noong Jan. 23, 2015.
Tumikada si Love ng 11 of 14 field goal attempts, 8 of 10 sa 3-pointers sa first quarter.
Wala siyang isinablay sa first six shots, lima rito mula sa labas ng arc.
Tumapos si James ng 31 points, 10 rebounds at 13 assists para kubrahin ang ikalawang triple-double ngayong season. Nilagpasan na rin niya si Guy Rodgers sa 17th place sa career assist list.
Kinapos ang 40 points ni Damian Lillard sa Portland, 25 rito sa second half.
Pasok ang first nine 3-pointers ng Cleveland, lamang sa 46-31 pagkatapos ng one, at umiskor ng 81 sa first half — kapos ng dalawa sa franchise record.
Mintis ang nag-iisang tira ni Love sa scoreless second quarter, umiskor ng six sa third at scoreless ulit sa fourth. Sa kabuuan, 12 of 20 sa field si Love kasama ang 8 of 12 sa 3s.