Mga babae ang maglalaban sa posisyon ng pagka-gobernador sa lalawigan ng Cebu sa 2019 mid-term election.

Ito’y matapos maghain si Govenor Hilario Davide III ng certificate of candidacy (COC) para pagka-bise gobernador kahapon para bigyang-daan si Vice Gov. Agnes Magpale na kalaban sa pagka-gobernador si 3rd District Rep. Gwendolyn Garcia.

Si Magpale ay hindi pa nakakapaghain ng COC dahil hinihintay pa nito ang certification of nomination and acceptance mula sa Nationalist People’s Coalition (NPC).

Sabi ni Davide, tumaktabo sa ilalim ng Liberal Party, ang palitan ay hindi nangangahulugan na takot siyang labanan si Garcia sa nasabing posisyon.

“I’m not afraid to run against Garcia. My decision to run for vice governor and asking Vice Gov. Agnes Magpale to run for governor came without reservations,” ani Davide, anak ni dating Chief Justice Hilario Davide Jr.

Bukod sa popular sa rural areas, sinabi ni Davide na may direct contact si Magpale sa Malacañang na magiging kapaki-pakinabang sa kanilang lalawigan.