EXPECTED nang Team RaMen nina Ryan Agoncillo at Maine Mendoza ang winner sa #Dabarkads Goals: The Ultimate Battle nu’ng Sabado sa 38th anniversary celebration ng Eat Bulaga.

Nabahiran ng last minute drama nang hindi makasipot si ­Ryan sa finals at mag-isang lumaban si Maine samantalang lahat ay may ka-partner.

Ani Ryan, hindi niya kinaya ang energy ni Meng, kaya hindi siya nakabangon at hindi nakapag-report sa Broadway studio sa araw ng laban nila.

Kahit gaano ka si­guro ka-competitive ay magpa-panic ka ‘pag biglang na-lost ang ka-tandem mo dahil pandalawa ‘yung routine na ni-rehearse n’yo.

Sabi ng ka-team ni Maine na si Direk Pat Plaza, sobra siyang pinabilib ni Meng dahil alam niyang nawalan ito ng loob, pero pinatunayan nitong kaya nito at sobra siyang proud kay Menggay.

Ang pasabog na Alarma prod ni Maine ang may BUWIS-BUHAY factor kaya deserved niyang manalo.

At sa bigay-todong performance niya, hindi mo iisiping dumaan siya sa matinding stress at muntikan na siyang mag-backout dahil wala si Ryan.

***

May mahabang post si Maine sa Instagram after niyang manalo.

Inamin niyang umiyak siya na parang bata dahil sa frustration nang i-text siya ni Ryan nu’ng umagang ‘yon na hindi ito makabangon sa kama dahil sa likod nito.

Natakot siya na baka hindi niya kayanin na mag-isa.

Bukod doon ay kulang sila ng oras sa rehearsals at FAIL lahat nang mag-rehearse sila that morning.

“My pessimist side got the best of me, and the only words that came off my mouth at that moment were, ‘Hindi ko to magagawa.’

“I couldn’t stop my tears from falling, stressed ako sobra! I feel like I am not equipped to do the stunts… @pat_05 told me that it was fine to make changes if I cannot do it (for safety purpo­ses na din), but then optimism kicked in so I told her, ‘Hindi, kaya ko.’

“I was feeling an­xious the whole morning, that I even locked myself inside the restroom to pull myself together.

“I was praying for the safety of everyone and for a successful performance.

“I looked in the mirror and told myself I can do it. I had to remove all the negativity inside my system. It was already our turn to perform….

“I went out the stage wearing my warrior mask — that cannot be seen by anyone but me — then I repeatedly said this inside my head, ‘This is it, Meng! Kaya mo ‘yan!’

“Thank God, we had a successful performance. ‘Yung tuwa ko sa bawat salo sa akin! Thank heavens no one got hurt and everything went smoothly.

“I am just soooo happy because I can proudly say that I put my heart into this, as in buong puso, sa unang pagkakataon yata?

“Our team did our very best not to win, but to give everyone a great show. Malaking bagay sa akin ito because I rarely put my whole self in the things I do…

“This is one of the few moments I feel proud and satisfied for doing something ‘great’. Thank you for this memorable experience, dabarkads!

“I wish Kuya Ry was with us today, but nonetheless, nasa puso ka namin kanina, Kuya Ry! We did it, we won!

“Thank you very much and congratulations to us, Team RaMen! Happy anniversary, Eat Bulaga! ALARMAAAA!” baha­gi ng madamdaming post ni Menggay.

Bago lumaban si Maine ay may IG post si Ryan na sinabi nitong ‘in the bag’ na ang pananalo ni Meng.

May pramis din si Rye sa Queen of the Jungle na si Maine na anuman ang mangyari ay ipagluluto sila ni Ula (Ang Batang Gubat, pinasikat na karakter ni Judy Ann Santos nu’ng child star days nito).

“Proud of you, you beautiful savage! Yeaaahhhh!” ang sey ni Ryan sa pinost niyang winning pic ni Meng na may hawak na maskara ng mukha ni Ryan.

BALIBAG QUEEN ang bagong tawag kay Menggay matapos ang kanyang award-winning buwis-buhay performance sa 38th EB anniversary.