SA isang tila truth or dare game ay nagkaroon ng pagkakataon ang fans na malaman ang ilang sikreto nina Alden Richards at Maine Mendoza.

Ilan dito ay ang pagi­ging mapili ni Maine sa mga isinusuot ni Alden.
Ayaw ng dalaga na nagsusuot si Alden ng skinny jeans.

Ibinunyag naman ni Alden na Maine went out of her way para sa isang special gift na sobrang na-appreciate niya.

Sa bandang huli ng laro, sinubukang magbigay ni Maine ng detalye sa efforts niya para kay Alden at parang pinigilan niya ang sarili nang sabihing, “The things we do for…” at sabay tumawa.

Marami ang nakapansin sa biglang tigil niya habang nagkukuwento kaya nagtawanan din ang lahat.

Ano ba ang kasunod niyan, Maine?

Samantala, mas dumarami pa ang humahadlang sa pag-iibigan nina Sinag (Maine) at Benjie (Alden).

Nabuking na si Benjie ang nagpondo ng exhibit ni Teddy (Gardo Versoza) kaya nagalit ang pamilya niya.

Dahil sa sunud-sunod na kaguluhang nangyayari sa pagitan ng pamilya Obispo at Rosales, ma­ging hudyat na kaya ito ng tuluyang paghihiwalay nina Sinag at Benjie?

O magiging dahilan ito ng pakikipaglaban nila para sa pag-ibig?

***

Mapapanood muli ang tambalan nina Betong Sumaya at Maey Bautista sa I Heart Davao kung saan bibida ang real life couple na sina Tom Rodriguez at Carla Abellana.

Excited ang ­Kapuso comedian na muling makasama ang isa sa mga tinuturing niyang malapit na kaibigan sa showbiz.

Bukod sa enjoy si Betong sa taping dahil naiikot niya ang Davao, masayang makatrabaho muli ang kaibigan dahil ngayon na lang ulit sila magkakasama ni Maey.

“Kakaiba ang role ko rito. First time kong gagawa nang ganito and first time kong makatrabaho sina Tom and Carla.

“At lalo akong masaya kasi halos ilang taon ko rin hindi nakasama si Maey,” kuwento ni Betong.