Swak sa semifinals ang BaliPure matapos silang akayin ni Jerrili Malabanan nang kalusin ang defending champion Pocari Sweat, 25-21, 25-16, 25-23, noong Linggo sa Premier Volleyball Open Conference sa The Arena sa San Juan.
Nasa pang-apat na sunod na Top 4 appearance sa liga ang Water Defenders dahil sa malaking tulong ni Malaban na hinirang na Philips Gold-PVL Press Corps Player of the Week (July 26-30).
Naging third offensive option ng Reinforced Conference runner-up Water Defenders si Malabanan, nakapagtala siya ngayong conference ng 86 points mula 73 spikes, 10 service aces at three blocks.
Sina three-time NCAA MVP Grethcel Soltones at Fil-Japanese Risa Sato ang primerang pinupuntahan ng BaliPure sa opensa.
May 4-3 record ang BaliPure sa pagtatapos ng eliminations, haharapin nila sa best-of-three semifinals umpisa Sabado ang unbeaten sa seven games na Creamline.
Pinuri ni coach Roger Gorayeb si Malabanan sa magandang nilalaro niya sa team.
“When we enjoy ourselves, coach (Roger Gorayeb) always tells us that it’s good we’re enjoying but we have to stay calm and focused. He’s the one that calms us down,” saad ni Malabanan sa online interview.
Inungusan ni Malabanan sina Cool Smashers netters Cesca Racracquin at Jia Morado para sa weekly honors.
maybee she will be the next rachel ann daquiz