Sa kagustuhang lalong sumipag sa kanilang trabaho ang mga pulis Maynila, ibinigay ni Manila Mayor Joseph Estrada ang may P42 milyon allowance sa may 4,600 miyembro ng Manila Police District (MPD).
Sa isang seremonya sa Manila City Hall, personal na iniabot ni Estrada kay MPD Director Senior Supt. Joel Coronel ang tsekeng nagkakahalaga ng P42,950,000 para sa ikalawang bahagi ng Peace and Order Allowance ngayong taon ng 4,652 miyembro ng MPD mula Mayo hanggang Agosto.
“Buong-puso ko kayong sinusuportahan. Ang hinihiling ng lungsod sa inyo ay tupdin niyo ang inyong tungkulin nang maayos,” dagdag pa ni Estrada.
Iyan ang Mayor. Malaking bagay ito sa mga matitinong pulis pero hindi sa mga masasama.