Nasungkit ng College of St. Benilde-La Salle Greenies ang panlimang sunod na panalo via 64-63 kontra Letran Squires sa 93rd season ng NCAA Juniors Basketball Tournament sa Colegio de San Juan de Letran gym sa Intramuros, Manila kahapon.
Inakbayan ni Albert Bordeos na may 14 markers, 2 rebounds at tig-isang assist at steal, ang wala pang talong Greenies at umungos sa top spot kasunod ang Malayan Red Robins na may 4-0 karta.
Pinangunahan ni Joel Cagulangan at Inand Fornillos ang depensa kontra Squires sa 11-7 lead, 5:41 mark sa 1st quarter.
Kumana si Jacob Lao ng 12 puntos at 4 rebounds, 9 markers kay Fornillos at tumipa ng tig-8 puntos sina Cagulangan at Angelino Cruz.
“We’re back on just one point, we have opportunities of putting that lead up some more.
‘Yung rebounds naming against them, we were outrebounded,” saad ni Greenies coach Marvin Bienvenida na manipis na panalo kontra Squires.
Nagtala si Enoch Valdez ng 17 markers para sa Squires na laglag sa 2-4 standings.