SAN ANTONIO (AP) — Inabot ng ankle injury si Kawhi Leonard, pero matikas na rumesponde ang support cast ng San Antonio para alpasan ang Houston, 110-107, sa overtime at 3-2 lead sa kanilang West semifinals series.

Iginuhit ni Danny Green ang seven­ sa kanyang 16 points sa overtime at naligtasan ng Spurs ang 33 points, 10 ­rebounds at 10 assists ni James Harden.

Sa dulo, ang beteranong si Manu Ginobili ang nagsalba sa panalo ng Spurs nang blangkahin mula sa likod ang panabla sanang 3-pointer ni Harden­ sa final seconds ng extra period.

Tumapos si Leonard ng 22 points at 15 rebounds sa loob ng 38 minutes bago lumabas dahil sa injured right ­ankle nang matapakan ang paa ni Harden 5:37 sa third quarter.

Hindi na siya lumaro sa OT.

Solido rin ang depensa ni Harden,­ instrumento siya sa paglimita kina Leonard at LaMarcus Aldridge sa 15 for 42 shooting nang mag-rotate ng bantay sa small lineup ng Rockets.

“I was trying to keep them in front of me,” ani Harden. “Two All-Stars and even Pau (Gasol), who is 7-foot-something. I just tried to be aggressive and do the best I can and help my team.”