Ikakasa ng Metropolitan Association of Race Horse Owners ang 1st Leg ng Road to the MARHO Breeders Cup Classic at 1st MARHO Invitational Race ngayong Sabado, April 29, sa San Lazaro Leisure Park sa Carmona, Cavite.

Nakalinya ang serye ng high-powered events bago i-host ng grupo ang biggest racing events sa Philippine racing, ang annual MARHO Breeders Cup Classic sa November.

Bubunuin ang 1st leg sa distansiyang 1,600 meters at nilagyan ng premyong P500,000 na hahatiin sa winning horse owner, trainer at jockey.

May trophy pa at P20,000 sa winning breeder, trophy at P10,000 sa wining stallion (kung nominated ang stallion). Ganito rin ang distribusyon ng ­premyo sa MARHO ­Invitational.

Bakbakan sa 1st leg na inisponsoran ng Philippine Racing Commission sina Bite My Dust (owner Nicomedes Cruz), Heiress of Hope (owner Kerby Chua), Hot and Spicy (George Raquidan), Kanlaon (Benjamin Abalos III), Lakan (Benjamin Abalos Jr.), Manalig Ka (Hermie Esguerra), Son Also Rises (Benjamin Abalos Jr.), at Subterranean River (Wilbert Tan).

Hagaran sa 1st ­MARHO Invitational Race sina Blue Berry (owner Ed ­Dimacuha), Iba ang Swerte Ko (Tony Tan Jr.), Malaya (Benjamin Abalos Jr.), Premo Jewel (Jeci Lapus), St. Suswa (Tony Tan Jr.), at Strawberry Dawn (Jace Lapus).

Isponsor dito ang ­Manila Jockey Club.

Ngayong April 29 din ang MARHO ­general assembly, election at ­induction ng officers sa Chantilly Restaurant sa San Lazaro Leisure Park. Inducting officer ang kanilang chairman ­emeritus na si Mayor Sandy Javier.