Martial Law sa Mindanao epektibo kahit may kidnapping

Martial Law sa Mindanao epektibo kahit may kidnapping

Ipinahayag ng Malacañang na epek­tibo ang idineklarang Martial Law sa Min­danao sa kabila ng naganap na pagdukot sa isang British nationa­l at sa kanyang asawa ng mga hindi pa kila­lang grupo sa Zamboanga del Sur.

“Given na two years na ‘yung Martial Law doon, at mukhang ‘yung number of crimes halos wala maliban dito sa bago, ibig sabihin effective,” sabi ni Presidential Spokesperson Salvador Panelo sa mga reporter kahapon.

Mas matindi umano kung walang Martial Law sa Mindanao.

“You can just ima­gine kung walang Martial Law, baka hindi lang ‘yun. But just the same, the authorities are doing their level best to protect the inhabitants there,” ayon kay Panelo.

Kasabay nito, tiniyak ni Panelo na ligtas na lugar pa rin ang Pilipinas para sa mga turista bagama’t inamin nito na minsan ay nalulusutan ng mga kriminal.

“Oo naman, siyempre safe. Kaya lang accidents happen. Minsan nalulusutan ka rin,” dagdag pa ng opisyal. (Prince Golez)