Isang 7-bullstag derby ang tampok sa second leg ng 2019 Luzon Gamecock Breeders Association (LGBA) Cocker of the Year series sa Lunes sa Pasay City Cockpit.

Humatak ng 91 entries ang unang leg nitong Pebrero kung saan nag-double champion sina Joven at Jess Mateo ng Jubilum at Ninety One, umiskor ng 12 panalo sa 14 na sultada.

Co-champions sina Hermie Pagtalunan ng Franzopia, Jed Antonio ng Jedi Master, Allan Chan ng WWW at Alex/Aristotle Aguirre ng Lightning Blade Alexa.

Mas matindi ang second leg sa Mar. 11, 18 at 25, ayon kahapon kay LGBA president Nick Crisostomo, dahil ilalaban ang mga ­winner mula sa 2018 LGBA Breeder of the Year series na ‘Bakbakan’ 12-Stag National Derby at ­‘Digmaan’ National 11-Stag Derby.