Sumingasing si Kalei Mau sa duluhan, nagdeliber ng mga krusyal na birada na nagpabalikwas pa sa United Volleyball Club mula sa da­lawang set na pagkabaon tungo sa ‘di sukat aka­lain pang pag-alpas kontra Sta. Lucia, 12-25, 15-25, 25-17, 25-22, 15-9, Martes ng gabi sa 7th PSL 2019 Grand Prix elims game sa The Arena-San Juan.

Ungos lang ng 9-8 sa fifth set, kinarga ni Mau ang United VC nang iskorin ang pito sa hu­ling walong puntos ng kanyang kampo para sa buwena-manong panalo makaraan ang four-set loss sa Foton noong Peb. 16.

Tinapos ng Filipino-American outside spi­ker ang makinang niyang gabi sa 22 points sa likod ng 19 spikes, two blocks at ace, kabilang ang 15 digs at eight excellent receptions, habang naka-22 pts din si import Yaasmeen Bedart-Ghani para sa UVC na pinantayan ang biktima sa barahang 1-1.