Sumalo sa top spot si Clyde Mondilla matapos ilista ang birdie-par-eagle tungo sa four-under 68 sa first round ng US$60,000 ICTSI Orchard Golf Championship sa Orchard’s Player course, Dasmariñas, Cavite.
Maganda ang panimula ni Mondilla na nakisiksik sa unahan kasama sina veteran Frankie Miñoza, rookie pro Ira Alido at American John Catlin.
May asim pa si Miñoza na nagtala ng tatlong birdie sa final six holes.
“The greens are tricky and the wind was really strong,” ani Miñoza.
Tinapatan naman ni Alido ang birdie-birdie finish ni Miñoza.
“I played a near-perfect game. My putting and short game were simply good,” wika ni Alido.
Nagpakitang gilas din si 26-year-old Catlin na umarangkada agad sa umpisa, tsansa sanang masolo ang unahan pero nagmintis sa bandang huli.
“It’s a long tough course and it’s windy. I was lucky to score in only my second game at Orchard,” pahayag ni Catlin. “Hopefully, I’ll sustain my form or play even better.”
Isang puntos lang ang abante ng apat kay Paul Harris na may 69 habang sina Tony Lascuña, Elmer Salvador, Nelson Huerva, Jerson Balasabas at American William Cannon ay may tig-70.