MMDA babalasahin, iimbentaryuhin

Mayroong malawakang balasahan at imbentaryo­ sa Metropolitan Manila Development Authority­ (MMDA) matapos alisin sa nasabing ahensya ang kontrol sa pagmamantine ng daloy ng trapiko sa ­Kalakhang Maynila.

Ayon kay MMDA Officer-In-Charge (OIC) Thomas­ Orbos, ipatutupad ang major reshuffle sa mga opisyal at magkakaroon din ng inventory at audit­ sa ahensiya.

“We will not be removing people but since traffic management is out of our hands, I have to realign the resources to focus on the rest that I have to work on. I am still rationalizing things,” paliwanag ni Orbos.

Aniya, nakasentro na lamang ang ahensiya ngayon­ sa flood control, solid waste management at urban ­renewal matapos na ilipat sa Department of Transportation (DOTr) ang kontrol sa pagmamantina ng ­trapiko sa Metro Manila.