WAGI pa rin sa takilya ng North America last weekend ang Wonder Woman.
Tinatayang naka-$57M ito mula Biyernes hanggang Linggo, kaya umabot na sa $205M ang domestic gross nito sa dalawang weekend.
Sa international market ay naka-$230M na ito, kaya bale $435 na ang worldwide gross nito. How wonderful!
Pumangalawa ang bagong bukas na The Mummy ni Tom Cruise.
Tinatayang $32.2M lamang ang opening weekend gross nito sa mga sinehan ng US at Canada.
Inalipusta ito ng mga kritiko.
Sa international market ay tinatayang naka-$141.8M agad ito – pinakabonggang worldwide opening ni Tom Cruise.
Sa 63 territories ito nagbukas.
Sa China pa lang ay humigit-kumulang $52.2M agad ang hinamig nito.
Umariba rin ito sa South Korea ($17.8M), Russia ($7.6M), Mexico ($5.1M) at Brazil ($3.6M).
Opo! $174M ang global launch nito.