Kumpiyansa si Department of Public Works and Highways (DPWH) Secretary Mark Villar na matatapos ang isinasagawang proyekto sa domestic at international airport sa Pasay­ City bago ang 100-araw ng panunungkulan ni Pangulong Rodrigo Duterte.

Ayon sa kalihim, tinitiyak nito na maisasaayos ang daloy ng trapiko sa nasabing lugar sa pagbubukas ng phase ng Ninoy Aquino International Airport (NAIA) Expressway project na nagdudugtong sa Macapagal Boulevard hanggang NAIA Terminals 1 at 2.

“We are in the process of doing safety checks. With the help of DOTC, we are confident that the public would soon be able to access a key phase of the NAIA Expressway Project within the first 100 days of President Rodrigo R. Duterte,” paliwanag ni Villar.

“Passenger traffic at NAIA has an average annual growth rate of 9.5%. The cost of congestion per day in Metro Manila is 2.4 billion pesos. We are keen in ensuring that the chro­nic traffic congestion at the vicinity of the airport is solved almost imme­diately,” dagdag pa nito.

Sa kasalukuyan, 79 porsiyento ng Parañaque River alignment ay 100 porsiyento nang kumpleto at natapos.

Sinasabing ang NAIA Expressway Project, na nagkakahalaga ng P17.9 bilyon ay apat na linya at 7.75-kilometer elevated expressway at 2.22 kilometer at-grade road pro­ject na daraan sa Sales Ave­nue, Andrews Avenue, Parañaque River, MIAA Road at Diosdado Macapagal Boulevard.

Sinabi pa ni Villar na sa sandaling matapos ang NAIA Expressway project ay inaasahang mapapadali na ang daloy ng trapiko patungo at paalis sa NAIA­ Terminals 1, 2, 3 at 4 na mag-uugnay sa South Luzon Expressway, sa Sales Interchange, Manila­ Cavite Toll Expressway (CAVITEX), at Macapagal Boulevard.

Aabot na rin umano­ sa kabuuang 16 Off at On Ramps ang itinatayo sa mga estratehikong lokasyon sa Villamor Airbase, Resorts World, NAIA­ Terminal 3, MIAA Road, Imelda Avenue, CAVITEX, Seaside Drive at Diosdado Macapagal Boulevard.