Nasawi ang isa sa dala­wang suspek na riding in tandem nang tangkain nitong bumunot ng baril nang sitahin ng mga nagpapat­rolyang tauhan ng Algue Police Community Precint, kahapon ng madaling-araw sa Tondo, Maynila.

Isinugod pa sa Justice Jose Abad Santos Gene­ral Hospital (JJASGH) ang hindi nakikilalang backrider na tinamaan ng bala sa ulo at kanang braso pero nasawi agad.

Nakatakas naman ang driver ng motorsiklo na inilarawang nasa edad 40-45, may taas 5’4-5’6, nakasuot ng kulay asul na t-shirt at denim pants.

Sa imbestigasyon ng Manila Police District-Homicide Section, alas-2:15 ng madaling-araw sa Jose Abad Santos Avenue at Sanchez Street habang nagpapatrolya ang mga pulis dahil sa ulat na mara­ming nangyayaring holdap­an partikular na sa gabi.

Sinita umano ang riding in tandem pero bumunot ng P .38 baril ang suspek at pinaputukan ang mga nagpapatrolyang pulis pero hindi pumutok ang baril nito dahilan para gantihan ng putok ng mga pulis.