PANGASINAN — Namatay ang isang lalaking nasa drug watchlist sa lungsod ng Dagupan matapos barilin ng mga hindi pa nakikilalang suspek.
Naglalaro ng table pool ang biktimang si Gerardo Edades, 49-anyos, residente ng Old Road Purok Centro Bolosan District sa lungsod nang barilin ng suspek na sakay ng motorsiklo.
Nakatakbo pa ang biktima nang mapansin ang suspek subalit naabutan ito kaya pinaputukan ng tatlong beses na naging sanhi ng agaran nitong kamatayan.
Gayunman, inaalam ng mga awtoridad kung may kinalaman sa operasyon ng iligal na droga ang motibo sa pagpatay sa biktima.