OAKLAND, California — Sinorpresa ni Draymond Green ang Utah Jazz nang magbaon ng limang 3-pointers — lahat sa first half — tungo sa 21 points para tulungan ang Golden State Warriors sa 115-104 panalo Huwebes ng gabi para sa 2-0 lead sa Western Conference semifinals.
“We love that shot. It gives us a huge lift,” wika ni Stephen Curry sa perimeter touch ni Green. “Hopefully that jumper travels when we go to Utah because those shots will be open.”
Dadayo ang Warriors sa Salt Lake City para sa Game 3 sa Sabado.
Nagdagdag si Kevin Durant ng 25 points sa likod ng 13 free throws, 11 rebounds at seven assists, may 23 points, seven assists si Curry sa Golden State.
Umiskor si Gordon Hayward ng 33 para sa Utah, umayuda ng 16 points at 16 rebounds bago na-fouled out si Rudy Gobert. Wala si Jazz point guard George Hill (sore left big toe).
Napasama ng bagsak si Green sa fourth, sapu-sapo ang kaliwang tuhod. Ilang minuto rin siya sa locker room bago bumalik. May panahog pa siyang seven rebounds, six assists, four steals at isang block para iakyat sa 20 ang six-game playoff total.