May second coming si Joakim Noah sa NBA.

Inihayag ni Memphis Grizzlies general manager Chris Wallace nitong Martes na pinapirma ng team ang 6-foot-10 na si Noah para sa kabuuan ng season.

“For Memphis to give me a shot, I feel really blessed and very fortunate to be back in the NBA,” ani Noah, 33. “I just want to be here for the guys and be a good influence.”

Dalawang sunod na taong naging All-Star si Noah noong 2013 at 2014. Pumang-apat siya sa MVP balloting at tinanghal na NBA Defensive Player of the Year noong 2013-14 season.

Nitong mga nagdaang taon ay bumaba ang produksiyon niya dahil sa injuries.

Nakapitong laro lang si Noah sa New York Knicks noong nakaraang season at nag-average ng 1.7 points, 2 rebounds at 5.7 minutes.
May career averages siyang 8.9 points, 9.3 rebounds, 2.9 assists at 1.35 blocks sa 11 seasons sa Chicago Bulls (2007-16) at Knicks (2006-18).

“He embodies everything that ‘Grit ‘n’ Grind’ means and stands for, so we’re happy to have him,” pahayag ni Grizzlies guard Mike Conley sa bagong kakampi.