Nagtala ng makapigil-hiningang panalo ang ­National University at University of the Philippines kahapon para manatili sa 1-2 spots ng ­Cebuana ­Lhuillier-Asaphil ­National Softball Intercollegiate Championships sa Sto. Niño Ballpark sa Marikina.

Sinandalan ng Lady Bulldogs si Ethel Cuyo na kumana sa fifth inning para hablutin ang 4-3 ­decision kontra PUP.

Sinakmal ng NU ang pang-apat na sunod na panalo matapos ibagsak ang guest team Manila Youth 7-4.

Kinalos ng UP ­Diliman ang RTU 3-2 para ilista ang pangalawang panalo sa tatlong laro.

Matapos ang scoreless start ay bumanat si Angeline Madrona para bigyan ng puntos ang PUP, pero sumagot agad ang Lady Bulldogs ­galing kina Chad ­Tulalian at Elsie dela Torre.