Kasama ang F2 Logistics sa official sponsor ng Philippine Superliga team na sasabak sa FIVB Wo­men’s Club World Championship mula Oct. 18-23 sa Mall of Asia Arena.

Nagkaroon ng kasun­duan na isasama ang F2 Logistics sa pangalan ng team na haharap sa Hisamitsu Springs Kobe ng Japan, Bangkok Glass ng Thailand, Re­xona-SESC Rio ng Brazil, Volero Zurich ng Switzerland, Pomi Casalmaggiore ng Italy at Eczacibasi VitrA Istanbul at VakifBank Istanbul ng ­Turkey.

Official na PSL-F2 Logistics Manila na ang team na binuo ng tig-pitong local at foreign netters at gagabayan ni Serbian coach Moro Branislav.

Ang pitong imports ay sina Tichaya Boonlert ng Thailand, Yuri Fukuda ng Japan, Stephanie Niemer at ­Lindsay Stal­zer ng United States, Ekaterina Krivets ng Russia, Yevgeniya Nyukhalova ng Ukraine at Lynda Morales ng Puerto Rico.

Sina skipper Rachel Anne Daquis at Jovelyn Gonzaga ng RC Cola-­Army, Jen Reyes at Frances Molina ng Petron, Kim Fajardo at Mika Reyes ng F2 Logistics at Jaja Santiago ng Foton ang local hitters.

“The inclusion of F2 Logistics in this tournament is such a big boost to the team,” wika ni PSL president Ramon ­Suzara sa signing ng memorandum of agreement noong Biyernes, kasama sina Sen. Alan Peter Cayetano at Eventcourt events manager Siegbert Brutschin.