Isusulong ni Senador Grace Poe ang pagbibigay ng sahod o minimum wage sa mga estudyante na nasa on-the-job training (OJT) sa iba’t ibang tanggapan ng pamahalaan.
Sinabi ni Poe, chairperson ng Senate committee on public services, na nakapaloob ang OJT salary sa panukalang ihahain niya na magtatakda ng internship program para sa lahat ng mga tanggapan ng gobyerno.
Ayon kay Poe, dapat na suwelduhan ang mga ito kahit na nag-aaral pa lamang dahil tumutulong na sila sa kompanya o tanggapan ng pamahalaan habang pinapahusay ang kanilang kakayahan.
Base rin aniya sa Department of Labor and Employment (DOLE), noong 2018 ay umabot sa 75.2% o 1.73 million ang mga walang trabaho na nasa edad 15 hanggang 34-anyos.
Tiwala si Poe na ang ihahain niyang panukala ay tutugon sa malaking bilang ng mga walang trabaho mula sa hanay ng kabataan. (Lorraine Gamo)