Hinamon ni Sen. Loren Legarda ang Freedom from Debt Coalition (FDC) na isumite sa Senate committee on energy ang mga pangalan ng “oligarchs” na naghati-hati sa negosyo ng power industry sa bansa.
Ito ang naging tagubilin ni Legarda kay Erwin Puhawan, power coordinator ng FDC, matapos na sisihin nito ang oligarchs sa mataas na presyo ng kuryente sa bansa.
Sa hearing kahapon ng komiteng pinamumunuan ni Sen. Sherwin Gatchalian, iginiit ni Puhawan ang pag-amiyenda sa Electric Power Industry Reform Act (EPIRA) dahil hindi na umano ito angkop sa sitwasyon ngayon sa bansa.
Dahil dito, hinamon naman ni Legarda ang FDC na isumite sa komite ang mga pangalan ng oligarchs na siyang nagpapamahal sa presyo ng kuryente.
“Akin na ‘yung listahan ng oligarchs,” giit ni Legarda kay Puhawan.
Sa naturang hearing ay kinalampag ni Legarda ang Department of Energy (DOE) na gumawa ng hakbang para mapababa ang presyo ng kuryente sa mga isla, lalo na ‘yung mga kumpanyang gumagamit ng diesel at coal para makagawa ng kuryente.
wala ng masisi. bakit di gobyerno ang magpagawa ng power plant para wala silang problema tumaas man o bumaba ang presyo ng oil.