Humihingi ng tulong ang mga makakaliwang grupo o ang tinaguriang ‘pulahan’ sa kanilang mga kasamahan sa Kongreso na suportahan at itulak ang peace talks sa National Democratic Front (NDF) para masimulan na agad ito.

Ginawa ni Bayan Muna party-list Rep. Carlos Zarate ang apela sa mga kasamahan nito sa Kongreso kasabay ng kanilang inilunsad na “Origami for Peace…A hundred peace birds for just and lasting peace” na ginanap sa World Peace Bell sa Quezon City Memorial Circle kahapon ng umaga.

Layunin ng pagkilos na manawagan sa gobyernong Duterte para simulan na ang peace talks sa mga rebeldeng komunista at palayain ang may 519 political prisoners sa bansa.

Nanawagan din si Zarate sa kanyang mga kasamahan sa Kongreso na lumagda sa kanilang inihaing resolusyon para mapabilis ang pagsisimula ng peace talks.