Matapos ang tatlong sunud-sunod na rollback, ngayong umaga (Mayo 16) ay magpapatupad ng pagtaas sa presyo ng mga produktong petrolyo ang mga kumpanya ng langis sa bansa.

Pinangunahan ng PTT Philippine at Flying V ang pagtaas sa presyo ng P.30 kada litro sa gasolina na epektibo ngayon alas-sais ng umaga. Habang wala naman paggalaw sa presyo ng diesel at kerosene.

Asahan na ang pagsunod ng ibang kumpanya ng langis sa kaparehong dagdag-presyo sa petrolyo partikular sa gasolina na ipinatupad ng Flying V at PTT Philippines kahit hindi pa naglalabas ng abiso ang mga ito.

Ang bagong price adjustment ay bunsod ng paggalaw ng presyuhan ng langis sa pandaigdigang pamilihan.

Noong Mayo 9 huling nagpatupad ng rollback ang mga kumpanya ng langis na nagtapyas ng P1.05 sa presyo kada litro ng kanilang diesel at P0.90 sentimo naman sa gasolina at kerosene dahil sa sobrang supply ng langis sa internasyunal na merkado.