P12 pasahe sa jeep kinontra ng mga commuter

Mariing tinutulan ng commuter group na Lawyers for Commuters Safety and Protection (LCSP) ang hirit na tatlong pisong dagdag sa base fare sa jeep.

Ayon kay LCSP Founder Atty. Ariel Inton, mala­king kalbaryo sa mga mananakay na ang base fare na P9 sa unang apat na kilometro ay itataas ng P12.

Aniya, lumalabas na sa isang ordinaryong mana­nakay na sumasakay ng jeep ng dalawang beses kada araw ay dagdag P6 ang gastos sa pamasahe.

Subalit nabatid na ang hirit na piso na provisio­nal increase of fare habang dinidinig ng Land Transportation Franchising and Regulatory Board (LTFRB) ang fare hike petisyon ay hindi tinututulan ng natu­rang commuter group. (Riz Dominguez)