Finally ay nagsalita na rin si James Reid sa dahilan ng pag-alis niya sa Viva. Ayon sa aktor sa kanyang panayam sa “Tonight With Boy Abunda”, nag-end na raw kasi ang kanyang kontrata sa nasabing kompanya.
“The contract has ended but I’m moving on to other things. I’m exploring my career in another way. I’ve just moved on,” pahayag ni James.
Kahit umalis na siya sa Viva aniya, “we’re still in very good terms.”
Sinabi rin ng aktor na malaki ang utang na loob niya sa Viva at kay Boss Vic del Rosario, Viva’s big boss.
“I owe a lot to Viva and Boss Vic for what they have done to me in the past but I just feel like it’s time for me to try something else, I wanna go in different direction,” he said.
Hindi naman daw totally goodbye ito for him and Viva and in fact, masaya daw si Boss Vic for him.
“I’m glad that things ended the way they did.”
When asked kung nag-uusap pa sila ni Boss Vic, aniya ay ang daddy niya ang mas kausap nito dahil close daw ang dalawa.
Nilinaw din ni Kuya Boy kung totoo bang nagkaroon ng buy-out sa nalalabing kontrata niya sa Viva at ani James ay hindi totoo ito.
“No, no, it just ended. And I didn’t renew,” aniya.
Nilinaw rin ng aktor na wala raw nagma-manage sa kanya ngayon.
Vice, Ion ‘di pinandirihan
Boto naman ang dating manager ni Vice Ganda na si Ogie Diaz kay Ion Perez na boyfriend ngayon ng “Unkabogable Star”. Ayon sa talent manager/movie producer, na-meet na rin daw niya si Kuya Escort ng “It’s Showtime” at napakabait daw nito.
“Si Ion? Mabait ‘yung bata, nakilala ko. Sobrang bait at sobra siyang mahal,” sey ni Ogie.
“Saka si Ion, ‘pag alam niyang masaya si Vice, mas masaya siya. Saka, nakakatuwa si Ion kasi, nagbantay talaga kay Vice ‘yan sa ospital,” dagdag pa ng producer ng comedy film na “Two Love You”.
Matatandaang kamakailan ay umamin na sina Ion at Vice Ganda sa kanilang relasyon kaya natanong din si Ogie kung ikinonsulta ba ito sa kanya ng dating alaga.
“Ay hindi. Malaki na si Vice, alam na niya ‘yan. At saka nataymingan naman niya, o. Sino’ng kumuwestiyon? May nandiri ba? Wala naman. Eh ganu’n talaga sa panahon ngayon, noh!” sey pa niya.
Marahil ay isa pa raw sa dahilan kung bakit nahulog ang loob ni Vice kay Ion ay dahil hindi raw siya tinitingnan nito as Vice Ganda.
“Ang gusto ni Vice kasi, ‘yung lalaki, hindi siya tinitingnan as Vice Ganda. Ayaw niya. Nao-off siya. Gusto niya, si Jose Marie Viceral siya. ‘Yun ang tingin sa kanya.
“Kaya nga naloloka siya ‘pag may mga lalaking ‘wala akong pakialam sa ‘yo kahit Vice Ganda ka, noh!’ Mas gusto niya ang ganu’n. Ayaw niya nu’ng huma-hallelujah sa kanya.”
Nabanggit nga ni Ion na para sa kanya, si Vice ay si Tutoy, ang nickname ng komedyante na tawag sa kanya ng pamilya’t malalapit sa kanya.
Natanong din kay Ogie ‘yung issue na ginagamit lang daw ni Ion si Vice Ganda at pera lang ang habol nito sa sikat na komedyante.
“Hinde!” tanggi ni Ogie. “Diyos ko, kung maka-raket ngayon si Ion, ha, ang taas ng rate niya. Oo, mataas ang rate sa provincial show ni Ion! Kaya natutuwa si Vice kasi ang taas ng rate ni Ion.
“So, kailangan ba niya si Vice na gamitin? Hindi. I doubt. Pero generally speaking, ang mga bakla, ‘pag nagbigay, kasi, gusto nila ‘yun, happiness nila ‘yun, walang makakapigil sa kanila,” sey pa ni Ogie.