Ikinatuwa ng Palasyo Malacañang ang desisyon ng United States Millennium Challenge Corp (MCC) na muling pagkalooban ng tulong ang Pilipinas matapos ang pagputol sa grant noong Mayo 2016.

“This is a recognition of the efforts of the Duterte administration – through its 10-Point Socio Economic Agenda – to continue and maintain macroeconomic policies while investing in human capital development in health and educational systems and improving social protection programs to protect the poor,” ani presidential spokesperson Ernesto Abella.

Ngunit sa kabila nito ay pag-aaralan muna ng economic managers ang mga kaakibat na kondisyon sa ayuda kung ito’y tugma sa priority agenda ng pangulo.

“While we are happy with this new development, our economic managers would study the conditions set by the MCC if these are aligned with the president’s prio­rity agenda,” paliwanag ni Abella.

Noong nakaraang taon, ibinitin ng MCC ang pagkakaloob ng multi-milyong dolyar na development grant dahil sa pagkabahala nila sa ‘rule of law and civil liberties’ ng administra­syong Duterte.

Ikinagalit naman ni Pangulong Duterte ang pakikialam ng US sa kanyang war on drugs kung saan nagbanta pa itong putulin ang diplomatikong relasyon at pagbasura sa mga umiiral na tratado sa pagitan ng dalawang bansa.