Hindi natinag ang pamilya Uy sa Zamboanga del Norte sa isinagawang survey ng RP- Mission and Development Foundation Inc., isang Manila survey firm na gumagawa ng national at local surveys kung saan tinatanong ang 5,000 respondents kung sino ang kanilang iboboto sa pagka-Mayor ng Dipolog City,
Mayor ng Dapitan City, Congressman ng unang distrito at Governor ng Zamboanga del Norte sakaling ngayon gaganapin ang halalan.
Lumabas sa survey nitong April 27- May 1 na 70% ang boboto kay incumbent Dipolog City Mayor Darel Dexter Uy, samantalang 25% kay dating Governor Rolando Yebes.
Nangunguna din si incumbent Governor Berto Uy na may 60% samantalang si Cong. Seth “Bullet” Jalosjos ay 40%.
Sa Dapitan City, mahigpit ang labananan ni incumbent Mayor Rosalina “Nene” Jalosjos na nakakuha ng 43% samantalang si dating Dipolog City Mayor Evelyn “Belen” Uy ay 46% .
Umiskor naman ng 50% si dating Polanco Mayor Roberto “Pinpin” Uy Jr. laban sa katunggali na si Romeo Jalosjos Jr. na 45%.