Ikinabahala ni Sena­dor Francis ‘Kiko’ Pangi­linan ang pagtata­laga ni Pangulong Rodrigo Duterte ng mga militar sa gabinete.

Ayon sa senador, nakakabahala na maaaring magising na lamang ang lahat na nasa pamumuno na tayo ng militar.

“Gigising ba tayo isang araw na nasa pamumuno na tayo muli ng mili­tar?” giit pa Pangilinan.
Itinalaga ng Pangulo si dating military chief of staff retired Gen. Roy Cimatu bilang bagong kalihim ng Department of Environment and Natural Resources (DENR).

Gayundin si Gen. Eduardo Ano na itinalaga bilang kalihim ng Department of Interior and Local Government (DILG).

Dahil dito, panawagan pa ng senador sa publiko na maging mapagmatyag habang hangad niya umano ang tagum­pay ng pamahalaan.

“We wish the new Cabi­net officials good luck as we keep vigilant watch. The success of government is the success of the nation,” dagdag ni Pangi­linan.