Kung napapansin ang pagbulagta ng ilang sangkot sa iligal na  droga, ang tanong pansinin din kaya ang pagbaba ng bilang ng mga krimeng nangyayari sa bansa?

Hindi ba dapat matuwa ang publiko o ang mga  sibilyan dahil ayon sa pinakahuling ulat ng Philippine National ­Police (PNP) ay bumaba ng 9.8 percent o katumbas ng 50,817 krimen mula sa dating 56,339 krimeng naitala ng nakaraang taon.

Ang average monthly­ crime rate ay pumalo ng 49.15 ay bumaba sa 11.51 percent mula sa dating 55.54   porsiyento nakaraang taon.

Ang sinasabing average monthly crime rate ay ang average number ng crime incidents sa isang period of time para sa bawat 100,000 inhabitants­ kada buwan.

Sa inilabas na figure na ito ng PNP, malinaw na malaki ang ibinaba ng antas ng krimen sa bansa.

Ang magandang pangyayaring ito ay hindi na siguro natin maipagkakaila na nangyayari dahil­ sa pagkakasukol ng maraming­ sangkot sa iligal na droga­ na sa pinakahuling­ tala ng PNP ay nasa ­mahigit 700,000 na.

Bumaba ang nangya­yaring krimen dahil wala na sa laya ang masasamang elemento sa ating lipunan.

Nasa loob na sila ng kulu­ngan habang ang iba na naging marahas sa pag-arestong nangyari ay nan­laban o kaya ay itinumba na lamang­ ng dati nilang mga kasabwat sa kalakalan ng iligal na droga.

Sa mga pangyayaring ito, hindi ba dapat ­matuwa tayo dahil nababanaag na natin ang pagdating ng panahon kung saan ay maaari na tayong­ makapag­lakad sa mga pampublikong lugar nang hindi inaalalang may aatakeng masamang-loob na nasa impluwensiya­ ng ipinagbabawal na gamot kaya nakakagawa ng krimen.

Kaya ang sa akin ay makita sana ng mga kritiko ng gobyerno na buma­batikos sa kampanya­ kontra iligal na droga ng gobyerno ang mga pangyayaring ito.

Huwag sana natin­g isara ang ating mga mata sa maganda at ligtas na bansa at gobyernong naghihintay sa atin sa ilalim ng pamumuno­ ni Pangulong Rodrigo Duterte sakaling maipagpatuloy nito ang laban sa iligal na droga hanggang sa kanyang pagbaba sa kapangyarihan, anim na taon mula ngayon.