Upang hindi magkaroon ng bulilyaso ang mga susunod na sasabihin ng Pangulo, inirekomenda ng isang kongresista na mag-usap-usap muna ang mga opisyales ng Malacañang bago magbigay na statement si Pangulong Rodrigo Duterte.

Ginawa ni Albay Rep. Edcel Lagman ang nasabing payo matapos isisi muli ng mga ‘apologist’ ni Duterte sa media ang hu­ling statement ng Pangulo ukol sa 3 milyong adik sa Pilipinas nang ikumpara nito ang kanyang sarili kay Adolf Hitler ng Germany noong panahon ng Holocaust

“Duterte’s apologists cannot again incant that the President was ‘quoted out of context’.

The defenders of Duterte maliciously demeaned media, both local and foreign, by accusing them of misreading the President’s clear statement,” ani Lagman.

Malinaw, aniya, sa video na sinabi ng Pa­ngulo ang mga katagang “Hitler massacred three million Jews. Now there is three million, there’s a three million drug addict. There are. I’d be happy to slaughter them. At least if Germany had Hitler, the Philippines would have you know (pausing and pointing to himself), my victims, I would like to be, all criminals to finish the problem of my country and save the next generation from perdition.”

Naniniwala si Lagman na resulta ito ng hindi pag-uusap bilang isang team, ng Palasyo ng Malacañang kaya pinayuhan niya ang mga ito na mag-usap-usap muna kung ano ang dapat sabihin ng Pangulo.

Bilang Pangulo ani­ya, kailangang mag-ingat ang Pangulo sa lahat ng kanyang sinasabi dahil ang huling statement nito ukol sa ‘Hitler like’ ay galing mismo sa kanyang bibig at hindi na kailangan i-intepret pa ng media.