Inanunsyo ng Philippine Charity Sweepstakes Office (PCSO) na nakuha nito ang P55 bilyong inisyal na target ng ahensiya para sa kasalukuyang taon noong Oktubre.
Sinabi ni PCSO General Manager Alexander Balutan na mula Enero hanggang Oktubre ay nakakolekta sila ng kabuuang P54.8 bilyon sa pinagsamang kita ng Lotto, Keno, Small Town Lottery (STL), at Instant Sweepstakes, na 27 porsiyentong mataas kumpara sa kaparehong panahon noong 2017.
“Like I always say, figures don’t lie. This is proof that PCSO is and has always been on the right track in meeting its revenue target or more by the end of this year,” dagdag pa ni Balutan.
Unang itinakda ng PSCO ang kanilang target sa P55 bilyon ngunit binago ito sa P60 bilyon dahil sa pagpapalakas sa STL at iba pang Lotto product sa buong bansa.