Umaasang maduplika, hindi man malampasan ng Pilipinas ang huling pinakita sa muling pagsabak sa 11 sa 22 sports ng 5th Asian Beach Games 2016 sa Setyembre 24-Oktubre 4 sa Da Nang, Vietnam.
Binanggit ito kahapon ni Philippine chef de mission Karen Tanchanco-Caballero katabi sina SM Men/SM Youth/SM Store sr. VP/business unit head Jeffrey Lo, at Bo Athletics AVP Marielle Ardiente sa Philippine Sportswriters Association (PSA) sa Shakey’s Malate sa Maynila.
Pangungunahan nina Rio de Janeiro Olympians Marestella Torres-Sunang na kakasa sa beach athletics at Jessie Khing Lacuna sa 10k marathon swimming ang 72 Pinoy athletes sa biennial sportsfest.
“It’s a hard record to follow. But I was once an athlete and now an official, and I hope we’ll be able to follow to footstep of Mayor (Ricjard) Gomez,” sambit ni Tanchanco-Caballero sa dating CDM at ngayo’y Ormoc City mayor. “No commitment of anything, but we will be doing our best.”
Natagpas sina hurdler Eric Shauwn Cray at runner Donovan Arriola na pinalitan na ni Southeast Asian Games gold medalist Christopher Ulboc, Jr.
May pangkasa rin ang bansa sa 3×3 basketball, beach volleyball, jiu-jitsu, kurash, muay, pencak silat, wrestling at rowing.
Naka-three golds ang mga Pinoy sa 2014 ABG sa Phuket, Thailand sa pamamagitan nina Maybelline Masuda sa women’s –50 kg jiu-jitsu, Annie Ramirez sa women’s — 60 kg jiu-jitsu at Geylord Coveta sa windsurfing men’s RS one. May 2 ring silver at 7 bronze medals.
Wala na sa team sina Masuda at Ramirez habang inalis ang sports ni Coveta ng host country.