Hindi sumipot ang mga opisyal ng Philippine­ Olympic Committee, lalo na si incumbent president Jose ‘Peping’ Cojuangco, Jr. sa mediation meeting na isinaayos ni Philippine Sports Commission chairman Butch Ramirez sa tanggapan ng PSC sa Rizal Memorial Sports Complex sa ­Malate ­kahapon.

Mag-isang ­duma­ting­­­ lang si Association of Boxing Alliances in the Philippines president Ricky Vargas.

Sa mediation ay susu­bukan sanang tapusin ang pagbabawal ng POC election committee na makatakbo si Vargas ­laban kay Cojuangco sa halalan bukas.

Isinisekreto kung saan gaganapin ang eleksiyon.

“Mr. Vargas showed up today as he was keen to take advantage of the ­offer made in good faith by Chairman Ramirez to help find a solution and a mutually ­acceptable way ­forward,” wika ni Atty. ­Chito Salud, ­spokesperson ni Vargas.

“Truly unfortunate. A wasted opportunity. Our athletes’ welfare had been put aside yet again,” ­dagdag niya.

Giniit nina ­Comelec chairman Frank ­Elizalde at members Conrado ­Estrella III at Bernard Oca na hindi ­natugunan ni Vargas ang ­pagi­ging ‘active member’ sa ilalim ng POC by-laws kaya ­na-disqualify.