Hindi na pinapayagan ang mamamayan ng Iran na makapag-download ng sikat na Pokemon Go application  dahil sa seguridad sa bansa.

Nabatid na naging desis­yon ito ng High Council of Virtual Spaces, isang ahensya  sa Iran na tumiti­ngin sa mga online activity.

Bukod dito ay pinag-aralan din ng Iran ang reklamo mula sa ibang bansa tulad ng Malaysia na nanganganib ang kanilang seguridad dahil sa natu­rang computer games sa mga smartphones.

Sa naturang games, hinahanap ng naglalaro ang mga ‘Pokemon’ creature sa iba’t ibang lugar.