Nagdesisyon na rin ang Chooks-to-Go Pilipinas 3×3 at International Basketball Federation (FIBA) na i-postpone ang dapat na pagbubukas ng 2020 President’s Cup pati na rin ang isasagawa na World Tour Manila Masters dahil sa epidemyang dulot ng novel coronavirus o COVID-19.
Nagkaisa ang dalawang organisasyon Huwebes ng gabi, Marso 11, sa isang teleconference bago tuluyang nagdesisyon dahil sa patuloy na pagtaas ng mga kaso ng sakit na COVID-19 at ang deklarasyon ng pamahalaan mismo sa State of Public Health Emergency.
“We have decided to move the opening of our first conference to a later date because of the on-going COVID-19 pandemic,” sabi ni league owner Ronald Mascariñas.
“As Filipinos, the health and safety of our players, officials, staff, and, most importantly, our fans are the most important thing to us.”
Ang anim na leg na President’s Cup ay nakatakda sanang magbukas sa Linggo, Marso 29, sa events center ng SM Fairview.
Nakatakda naman ang Chooks-to-Go FIBA 3×3 World Tour Manila Masters sa Mayo 2-3 sa SM Megamall Fashion Hall. (Lito Oredo)