Bihira akong humanga sa isang lider. Kailangan ay may taglay siyang kakaibang katangian na makikita ko na wala sa iba na nagdaan sa ating bansa ng tiga-anim na taon sa kanilang panunungkulan. Sa mga nagdaang administrasyon masasabi ko na napakarami ng naging kulang.
Una na rito ang problema sa krimen lalo na ang ugat ng lahat ng ito… ang droga.
Napakasarap lang na isipin na isang Rodrigo Roa Duterte lang pala ang hinihintay natin para kusang sumuko ang mga pusher, adik na mga ito. Sa tapang ng ating Pangulo na panindigan ang kampanyang ito ang dahilan din ng kanyang pagsasalita ng mga bagay na kahit sino ay walang karapatan na magbigay ng lecture sa kanya. Tama nga naman.
Walang bansa ang may higit na nakakaalam kung ano ang dapat at tama nating gawin para sa ikaaayos ng ating bansa. Kahit pa ang pinakamalalaki at maimpluwensyang bansa sa ating mundo. Isang astiging mga pahayag ang binitawan ni PRRD para lamang maramdaman ng bawat Pilipino kung anong klaseng bansa at liderato meron tayo ngayon.
Parang ang sarap lang sabihin at ipagmalaki sa ibang bansa na ang tingin sa ating mga Pilipino ay mabababa na iba na tayo ngayon. Nabibigyan tuloy ng dignidad lalo na ang ating mga kapamilyang overseas Filipino worker (OFW) ang katapangan at malasakit ng ating pinuno sa ating bansa.
Kaya naman kahit hindi natin mga kalahi basta may nababasa na tungkol kay PRRD ay hindi rin mapigilang humanga.
Sa atin na lamang pagbabantay at madalas mahingan ng tulong ng ilan sa ating mga kapamilyang OFW sa ibang bansa. Isa sa dating mahirap na pagpapauwi sa ating bansa o repatriation kung hindi pa pakikialaman ng media ay tila napakabilis lang ngayon sa ating kasalukuyang administrasyon.
Kaya naman pala! Bakit noon ay pinatagal pa? Kaya hindi siguro OA kung magsasalita ng paulit-ulit ang ating mga kababayan na si PRRD lang pala ang makakagawa nito. Ilang taong paghihirap ng ilan sa ating mga kababayan abroad eh wala pa pala sa ika-100 days ng ating administrasyon ngayon.
Sa isang katulad ko na mamahayag na ang araw-araw na gawain ay rumesolba ng problema ng ating mga naaaping kababayan ay maipagmamalaki mo talaga ang kung ano ang nagagawa ngayon ng ating pamahalaan.
Alma mo Kaye kahit ulit ulitin yung interview ni PRRD hindi nya minura per se si Obama at yan ang pinagmulan ng lahat, ang freedom of the Press ay inaabuso ng iilan alam mo ba dito sa Europa mga kasama naming ibang lahi sabi nila maswerte daw tayo at may isang matapang na lider tulad nya at gusto nila na dapat daw ganito ang Presidente nila, kaya kahit ano pang gawin ng mga corrupt na media at dahil sa social media ay malawak ang kamulatan ng mga Pilipino ngayon.
Sang-ayon ako sa mga pahayag mo. Pero, marami pa rin ang bumatikos sa Presidente kahit dignidad at sariling buhay na ang itinataya niya para sa bayan. Sa halip na depensahan nila ang Presidente, gingawan nila ng mga maling akala na nasasagap naman ng mga foreign media at ginagawang basehan para dungisan ang kanyang pangalan. Dapat ay makaahon na sa kanilang one-track mind ang mga bumabatikos sa Presidente dahil para rin sa kanila ang kanyang ginagawa. Ang pagbababgo ay para sa lahat, hindi lang doon sa mga kaalyado niya.